Нижегородские татары.Биографический словарь Вторник, 26.09.2017, 12:18
Приветствую Вас Гость | RSS
Главная | Регистрация | Вход

Главная » 2013 » Апрель » 10 » Аллаһы йорты янәдән ачылды
Татарские мультфильмы смотреть онлайн
16:08
Аллаһы йорты янәдән ачылды


 Иске Мочалиның Яңа авылындагы Әүлияләр мәчетенә нигез 1999 елда Ваиз Сабитов тырышлыгы һәм инициативасы белән салына. Әлеге изге эштә аңа беренче һәм төп ярдәмне шәех Равил Гайнетдин, академик Рәшит Баязитов һәм туганы Ринат Мамусов күрсәтәләр. Ваиз әфәнде аларга бүгенгәчә чиксез рәхмәтле.

- Бу мәчет безнең авылда икенче, - дип сүз башлады Ваиз Сабитов. – Авылда халыкның дингә сусаганын күреп әлеге Әүлияләр мәчетен төзергә ният белән чыктым һәм каршы килүчеләр булмады, киресенчә, хупладылар гына, - ди ул.

Дөреслек хакында әйтергә кирәк, берничә ел эшләгәннән соң мәчет имамсыз кала һәм ябылырга мәҗбүр була. Аның ишекләре бары тик Корбан, Ураза гаетләрендә генә ачыла. Ниһаять, бер Аллаһының кодрәте белән агымдагы ел башында мәхәлләнең имамы итеп 19 яшьлек Булат хәзрәт Сабитов билгеләнә һәм мәчеттә кабат азан әйтелеп җомга намазлары укыла башлый. Азанчы вазифаларын күптән түгел генә армиядән кайткан Марат Рахматуллин башкара.

Иркенлек, чисталык хөкем сөрә бу Аллаһы йортында. Намаз укырга да, дини укулар оештырырга да урын җитә биредә. Үткән җомгада ике дистәдән артык халык җыелган иде, аларның сафларын яшьләр тулыландыра, монысы аеруча сөендерә.

«Һәр җомга көннәрне мәчеттә олы бәйрәм рухы сизелә. Хәзрәтебез бик ягымлы. Яшь булуына карамастан, Булат хәзрәт җомга вәгазьләрен аңлаешлы, тәрбияви, тормыш белән бәйләнешле дәлилләр китереп сөйли. Шуңа күрә атна саен җомга көнне вәгазь тыңлаучылар саны арта бара. Без бик тә шат, чөнки яшь хәзрәтләр белән авылыбызның киләчәге өметле.

Хәзер инде мәчетебездә җомга намазлары, укулар, дин әһелләре белән очрашулар алып барылыр, җәй айларында балалар өчен лагерьлар да оештырылыр дип өметләнәбез. Аллаһы ризалыгын өмет итеп динне күтәрү нияте белән мәчет салдырган Ваиз Сабитовка, бүген шунда игелекле хезмәт күрсәткән яшь мочалилыларга рәхмәтлебез», - ди Әлфия ханым Ибатуллина.

- Мәчет – без, мөселманнарның, Аллаһыбызга гыйбадәт кыла торган изге урыны. Мәчет халык өчен салына, - ди Булат хәзрәт, – әмма безнең хак динебез мәчеттә генә түгел, гадәти көнкүрештә дә, мәдәнияттә, икътисадта, юлда, урамда да чагылыш табарга тиеш, - ди яшь хәзрәт.

Бүген аларның төп бурычы – мәчетне буш тотмау, милли, дини йөзебезне булдыру һәм киләчәк буынны ялгыш юлдан саклап, хак динебез юлына бастыру.





 

Категория: Газета Туган Як | Просмотров: 484 | Добавил: nizhgar-tatar | Теги: Иске Мочали, Нижгар татарлары, село Мочалей | Рейтинг: 5.0/3
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Шубино-Видео- Татарcкий видео портал села Шубино



2009 - 2013 © nizhgar-tatar.narod.ru-Нижегородские татары.Биографический словарь